Age Doesn’t Matter Nga Ba Pagdating sa Pag-ibig?
Ako oo, naniniwala rin ako na love knows no boundaries. Walang kasarian, walang estado sa buhay, walang edad na kinikilala. ‘Yun ang totoong pag-ibig. Kasi tanggap mo ‘yung tao kung sino at ano pa siya. At ‘yung kanyang ugali at personality ang iyong minahal sa kanya. - Chito, Davao
Ewan ko, parang nandidiri ako sa mga nakikita kong magdyowa na malaki ang age gap eh. Parang naggagamitan lang sila. At saka hindi ko makita ang sarili kong papatol sa mas bata o mas matanda sa akin ng ganun kalagi ang gap. Kasi siyempre ibang generation na ang ginagalawan nila sa ginagalawan at kinalakhan ko. -Arthur, Bacolod
Oo naman no! Ako puro mas matanda sa akin ng mga sampung taon pataas ang nagiging dyowa ko. Mas gusto ko kasi ng mature na babae eh. Hindi ‘yung pabebe at puro kakikayan lang ang alam. Mas gusto ko ‘yung malakas at kayang ipaglaban ang sarili niya, marami nang natutunan sa buhay. -Tristan, Cebu
Hindi ako naniniwala sa mga relasyong May-December. Kasi una sa lahat ibang level ‘yung pag-iisip nila. Kaya imposibleng magkainlaban ang ganun. Hindi ako naniniwala, may isa sa magdyowa na ‘yun ang manggagamit lang o manghuhuthot lang. - Mark, Pasig
Gusto ko kasi parang nanay. Gusto ko lagi akong inaalagaan kaya mas matanda ang gusto kong girlfriend. Naa-attract naman ako sa mga kasing edad ko pero hindi ko pa rin maisip ang sarili kong makipagrelasyon sa mas bata o sing-edad ko. Mas gusto ko ‘yung marami nang alam sa buhay. - Dustin, Parañaque
- Latest