Hindi kuntento sa isang BF

Dear Vanezza,

Ako po si Leny, 19. Sumulat po ako dahil hindi ko maintindihan ang aking sarili. Madalas po akong magka-crush at hindi lang isa kundi tatlo. Gumagawa ako ng paraan upang ligawan ako ng mga crush ko. Gusto ko ligawan nila ako.  Lahat sila sinasagot ko, bigla pong nawawala ang feelings ko para sa kanila. Tapos agad kong bini-break. Tapos hanap na naman ako, pero hindi ako kuntento sa isa. Gusto ko marami. Hindi ko naman gustong paglaruan ang mga lalaki. Bakit kaya ako ganito? Maalis pa ba ang ganitong ugali ko sa mga lalaki?

Dear Leny,

Bata ka pa kaya mabilis magbago ang nararamdaman mo kahit tatlu-tatlo pa. Tandaan mo na ang crush ay hindi pag-ibig. Ito’y isang paghanga lang na maaaring magbago. Pero talagang nagsisimula sa attraction at saka ma-develop ang love. Para hindi ka makasakit pa ng damdamin ng iba, makabubuti kung itigil mo na ang pakikipag-boyfriend ng sabay-sabay. Sa tamang panahon ay darating din sa iyong buhay ang true love. Bata ka pa at mas mainam kung itutuon ang atensiyon sa pag-aaral at mga makabuluhang bagay na magpapalago ng iyong pagkatao.

Sumasaiyo,

Vanezza