Pambawi sa pagiging kontrabida, Wendell sobra ang pagiging madasalin

Maganda ang feedback kay Wendell Ramos sa pagganap niya bilang Jaguar, ang ultimate kontrabida kina Maja Salvador, Sunshine Cruz, RF Bagatsing, Tirso Cruz III at Aiko Melendez sa trending series bago mag-TV Patrol, ang Wildflower.

No wonder that this early, may bagong series na nakatakda para sa kanya, kung saan muli siyang papapel na kontrabida.

In real life, though Wendell, who will turn 40 this year, alam n’yo bang prayerful siya? In fact, choir member siya ng simbahang pinagsisimbahan nila ng kanyang asawang si Kukai (Guevara) at mga anak nila.

A protégé of the late starmaker and movie producer, Douglas Quijano, nananatiling good friend si Wendell kina Joey Marquez, Antonio Aquitana at Richard Gomez, na ngayon ay mayor na ng Ormoc City. Ang mga nabanggit ay fellow members ni Wendell, ng noo’y tinaguriang DCQ Acting Squad.

DANIEL DI PERSONAL NA NAKUHA ANG BONUS

Sa victory party na organized ng Star Cinema, na ngayon ay pinamamahalaan na ni direk Olive Lamasan as managing director, para sa lead stars, crew and production staff ng katatapos na MMFF entry Gandarrapiddo: The Revenger Squad, inanunsyo rin na ang movie ang top grosser ng filmfest.

As of today, umabot na sa P600M ang kinita ng pelikula.

Kaya, as expected, binigyan ng kaukulang bonus ang stars ng pelikula, sina Vice Ganda, Pia Wurtzbach, Karla Estrada, Ejay Falcon, Loisa Andalio, plus, siyempre pa, ang director na si Joyce Bernal.

The bonus were handed sa mga kinauukulan by no less than direk Olive and the incumbent ABS-CBN President, si Carlo Katigbak.

By the way, too bad nga pala dahil hindi nakadalo si Daniel Padilla sa victory party kaya si Karla ang tumanggap ng bonus para sa anak.

Ayon kay Karla, kasalukuyang nagte-taping daw si Daniel ng top series na La Luna Sangre kaya ‘di ito nakadalo.

Changing Partners walo na agad ang award

Pang-Valentine offering daw dapat ang theatrical release ng critically acclaimed musical na Changing Partners. Pero ayon sa Star Cinema na siyang magri-release ng pelikula, mas mabuti raw na mapanood na kaagad ang pelikula na main attraction sa 2017 Cinema One Originals Filmfest.

Para nga naman malaman ng mga manonood, kung bakit nagawaran ito ng Audience Award, plus eight other trophies, kasama na ang Best Actress para kay Agot Isidro, Best Actor kay Jojit Lorenzo, Best Editing kay Maryo Ignacio, Best Music kay Vincent de Jesus, Best Film, plus a Special Citation for Ensemble Acting.

At puwede rin bang hindi gawaran ng award si Dan Villegas bilang best director?

As direk Dan said: “I’m proud of this movie.”

Ang kanyang girlfriend na isang award-winning and box-office director din na si Antoinette Jadaone, ang nag-suggest daw na mag-produce sila ng movie based on the musical, nang mapapanood daw nito ang Changing Partners during its theatrical release.

Ang Changing Partners ay isang musical play produced by PETA at written by Lilet Reyes and Vincent de Jesus.

Ilan pa sa cast ng pelikula ay sina Sandino Martin and Ana Luna.