Sikat na Korean star pumila sa Immigration

‘Di pa-VIP

May wish ang fans ni Kim Soo Hyun, ang lead star ng sikat na Koreanovela na My Love from the Star na naririto sa ating bansa.

Wish ng fans ni Kim Soo Hyun na makilala niya nang personal sina Jennylyn Mercado at Gil Cuerva, ang stars ng local adaptation ng My Love from the Star.

Timing kasi ang pagbisita ni Kim Soo Hyun sa Pilipinas dahil sa Lunes na ang pilot airing ng Philippine adaptation ng My Love from the Star. Hoping ang fans ni Kim Soo Hyun na maiimbitahan siya ng GMA 7 para sa meet-and-greet kina Gil at Jennylyn.

Napanood sa GMA 7 noong 2014 ang My Love from the Star kaya sikat na sikat si Kim Soo Hyun sa Pinoy fans.

Siguro naman, may idea si Kim Soo Hyun tungkol sa matinding popularity nito sa Pilipinas dahil sa mga message na natatanggap niya mula sa mga Pinoy na baliw na baliw sa kanya.

Nadagdagan ang paghanga ng fans kay Kim Soo Hyun dahil pumila siya sa immigration counter ng NAIA as in walang VIP treatment sa kanya.

At dahil sikat nga siya, nakilala si Kim Soo Hyun ng ibang mga pasahero na nakasabay niya at naka-sight sa kanya sa NAIA.

Cong. Alfred, puring-puri ang Martial Law ni PDuterte!

Pabor ang karamihan sa mga senador at kongresista sa pagdedeklara ni President Rodrigo Duterte ng Martial Law sa Mindanao para matigil na ang karahasan.

Kabilang si Congressman Alfred Vargas sa mga umapela na magkaroon ng kapayapaan at pagkakaisa ang lahat para mahinto na ang kaguluhan sa Mindanao.

Kararating lang ni Alfred mula sa Italy at ang balita na naghahari ang terorismo sa Marawi City ang sumalubong sa kanya.

“I am one with the people in condemning in the highest possible term the terror attack perpetuated by members of Maute group who allied themselves with ISIS terrorist group.

“The enemies here are the terrorists and not Muslims. These appalling acts are a complete violation of Islamic laws and norms, and the perpetrators are not representative of Muslim people or the religion of Islam,” ang sabi ni Alfred na kinokondena ang paghahasik ng lagim ng mga terorista.

“I commend General Año and the entire AFP for bringing Marawi under their control. The AFP had already proven that we do need drastic military actions to bring back peace and order in Mindanao.

“I hope AFP will not resort to aerial strike, otherwise, the terrorist will get what they really want to create the fear of terror among the masses of Mindanao,” ang pahayag ni Alfred na pinuri ang desisyon ni President Rodrigo Duterte na bumalik agad sa Pilipinas para personal na harapin ang problema.

“I admire the decision of President Duterte to get back home immediately to take a personal look on the Marawi attack.

“This is the time to set aside religious, social and political biases. At the end of the day, we are all Filipinos coexisting in peace,” ang sabi ni Alfred.