Miyembro ng LGBT, nilikida sa resto
COTABATO CITY, Maguidanao , Philippines - Napatay ang 26-anyos na sinasabing kasapi ng LGBT matapos itong pagbabarilin ng motorcycle-riding gunmen habang papasok sa restaurant sa bayan ng Parang, Maguindanao kahapon. Napuruhan sa ulo ang biktimang si Romel Delfin ng Sitio Lawaan, Barangay Poblacion Uno sa nasabing bayan. Sa inisyal na pagsisiyasat ng pulisya, nasa Aleonor Restaurant ang biktima na may bitbit na regalo at sinasabing may hinihintay. Matapos makapag-order ng pagkain ang biktima ay biglang nilapitan ng dalawang maskaradong lalaki saka pinutukan ito. Narekober sa crime scene ang mga basyo ng bala ng cal. 9mm pistol. Nagtamo ng mga tama ng bala sa ulo ang biktima, isa sa kamay, isa sa tiyan at isa sa likod.
- Latest