Sinuwerte lang! Kinoronahang Miss Manila 2016 hindi naging paborito!
Congrats kay Cristelle Tolentino, ang winner ng Miss Manila 2016 crown and title.
Thirty-two fellow Miss Manila candidates ang tinalo ni Cristelle na never na naging paborito na manalo pero siya ang nangibabaw sa pageant night noong Biyernes.
Marami sa mga pinapaboran na kandidata ang umuwi na luhaan dahil nag-expect sila. Kung sino ang mga hindi paborito, sila ang mga nagkaroon ng puwesto. Well, talagang ganyan ang buhay. Kanya-kanyang suwerte lang.
Halatang masaya sa lovelife, KC nagmumura ang ganda
Sina Edu Manzano at KC Concepcion ang emcees ng Miss Manila 2016.
Blooming at seksi si KC, ayon sa mga nanood ng Miss Manila coronation sa PICC Reception Hall. Obvious na in love at happy daw si KC sa boyfriend nito na si Aly Borromeo kaya nagmumura ang beauty niya.
Pag-apir ni kris sa show ni Marian hindi shocking
Hindi shocking ang balita na aapir si Kris Aquino sa morning program ni Marian Rivera sa GMA 7. Basta type niya na mapag-usapan at mag-ingay, alam na alam ni Kris ang mga aksyon na dapat gawin.
Bakit lalabas si Kris sa Magandang Buhay eh ito ang ipinalit sa morning show na iniwanan niya kaya perfect choice ang Yan Ang Morning dahil mapapanood siya sa rival network ng ABS-CBN.
Abangan na lang natin kung matutuloy ang guesting ni Kris sa morming show ni Marian. Malay natin, baka magbago ang isip niya dahil nauna nang lumabas ang balita at nabulilyaso ang kanyang balak.
Basta ang sure na sure, babalik na si Kris sa Pilipinas at mangyayari ito ngayon, sa ayaw at sa gusto ng haters niya.
Lorna hindi nalilimutan ang kasal nila ni Daboy sa Villa Escudero
Ginunita ni Lorna Tolentino ang wedding anniversary nila ni Rudy Fernandez noong Biyernes.
Ang anibersaryo ng pagpapakasal nila ni Daboy sa Villa Escudero sa Quezon ang hindi nakakalimutan ni LT na alalahanin.
Ninang ako sa Villa Escudero wedding nina LT at Daboy. Big news noon sa showbiz ang kanilang pagpapakasal na dinaluhan ng who’s who sa showbiz at pulitika.
Andi malapit pa rin sa puso ng kapatid ng ex
Kahapon ang 26th birthday ni Andi Eigenmann at hindi siya nakalimutan na i-greet ng happy birthday ng kanyang ex-future sister-in-law na si Jerika Ejercito.
Kahit hiwalay na sila ni Jake Ejercito, friends pa rin si Andi kay Jerika na may common denominator, pareho silang separated sa tatay ng kanilang mga anak.
Ang Camp Sawi ang next movie ni Andi sa Viva Films. Kinunan sa Bantayan Island sa Cebu ang mga eksena ng Camp Sawi. Dusa raw ang pagpunta sa Bantayan Island dahil apat na oras ang biyahe mula sa Cebu City pero sulit ang pagod dahil mala-paraiso ang lugar.
- Latest
