Nambastos kay Maine, gustong ipapako sa krus

MANILA, Philippines – May nagkwentuhan sa Broadway Centrum studio ng Eat Bulaga. Dapat daw ay ipako sa krus ang nambastos kay Maine Mendoza noong magsugod-bahay ito sa segment na Juan For All, All For Juan ng Eat Bulaga.

Teka, ano raw ba ang ginagawa ng mga Rogelios (bodyguards ni Lola Nidora) at naisahan sila ng nambastos kay Maine?

Bakit daw sila nalusutan nito at nakakagalit daw talaga ang ginawang ito sa dalaga.

Sila na nga ang dinadalaw para bigyan ng mga papremyo at sari-saring produkto pero ganito pa raw ang igaganti kay Maine?

May nag-suggest nga na dapat daw ay laging may dalang aspile si Maine para pamproteksyon sa sarili.

May nagpayo naman na dapat ay sa studio na lang si Maine at sa barangay naman si Alden Richards.

Teka! Parang hindi naman ata ito pwede dahil yaya ng tatlong lola ang ipinasok niya. Dapat ay maging alerto si Maine sa mga nangyayari sa paligid niya maging sa mga kumakamay sa kanya.