Melissa ayaw pa ring tulungan ng mga kaibigan

MANILA, Philippines – Kakit nadadawit ang kanyang pangalan dahil kasama siya ni Melissa Mendez nang magkaroon ito ng gulo sa kapwa pasahero na si Rey Pamaran sa flight pa-Pagadian City noong Friday, tahimik lang ang singer na si Malu Barry.

Isang malapit sa singer ang inusisa ko at maging sa kanila raw ay nakiusap si Malu na mas gusto nito na manahimik na lang tungkol sa kinasangkutang gulo ni Melissa sa loob ng eroplano.

“Ayaw ni Malu magsalita. Mas gusto na lang niyang tumahimik,” sabi ng isang malapit sa singer.

Maraming entertainment press na malapit kay Malu at maging ang mga taong ‘yon ay tinanggihan daw niya nang tawagan siya para kunan ng statement. (Te bakit may statement si Ms. Malu. - SVA)

BF ni Ruffa kasama na raw sa bakasyon ng pamilya Gutierrez

Sayang at hindi ako makakasama sa Holy week vacation ng pamilya Gutierrez na kukunan din para sa kanilang reality TV series sa E! Asia, ang It Takes Gutz to be a Gutierrez.

Tahimik lang kasi si Ruffa, pero may nakapagtsika sa akin na sasama raw doon ang boyfriend niyang si Jordan Mouyal.

Kung sakaling kasama nga roon si Jordan, magkita kaya sila ni Annabelle Rama?

And if ever nga, approved ba ni Bisaya ang pagsama ng boyfriend ni Ruffa sa kanilang bakasyon?

Well, mukhang marami tayong exciting happenings na mapapanood sa third season ng reality TV series ng pamilya Gutierrez na malapit na raw mag-air sa E!