Out-of-school-youth, pasok din sa summer job
MANILA, Philippines - Hinikayat kahapon ni Senador Sonny Angara ang mga kabataang tumigil sa pag-aaral (out-of-school youth) na samantalahin ang pagkakataong ibinigay ng batas na maging bahagi ng isang programa ng gobyerno kung saan maaari silang kumita para sa kanilang balik-eskwela.
Ayon kay Angara, pasok rin ang mga out-of-school youth na nagbabalak mag-enroll sa susunod na pasukan sa Special Program for the Employment of Students (SPES) “Higit na nangangailangan ng tulong ang ating mga out-of-school youth para makabalik sa pag-aaral. Pinalawak natin ang sakop ng batas para mas mabigyan sila ng oportunidad na mag-apply sa trabaho para kumita at matustusan ang kanilang pagbabalik-eskwela,” ani Angara, author ng mas pinalakas na SPES law na pinagtibay noong Agosto nang nakaraang taon.
- Latest
