Napaakan og iro sa Toledo nagkadaghan
CEBU, Philippines - Ningdaghan ang ihap sa mga napaakan og iro sa Dakbayan sa Toledo human daghang pasyente nga nagpa-injection og anti-rabies vaccine sa Toledo City Health Office.
Matud ni Tessie Borja, nurse sa naasoy nga buhatan, nga moabot gikan sa 30 ngadto sa 40 ka pasyente sa matag schedule sa pagbakuna og anti-rabies. Nisaka og 80 ka pasyente ang ilang naatiman.
Ang City Health Office sa Toledo magpahigayon og anti-rabies vaccine sa matag adlaw nga Lunes ug Huwebes.
Giingon ni Borja nga sagad sa mga napaakan sa iro ug iring mao ang mga tag-iya nga nakigduwa sa ilang mga binuhi.
Base sa ilang pag-monitor usa lang ang nagpositibo sa rabies nga nalandig sa pribadong tambalanan sa Dakbayan sa Sugbo ug gi-refer sa ilang buhatan sa pagpabakuna sanglit ang City Health Office usa sa mga animal bite treatment centers. - /GMR) (BANAT NEWS)
- Latest
