Kung magdeklara ng martial law, Duterte hindi mag-iingay

MANILA, Philippines —Iginiit ni Pangulong Rodrigo Duterte na wala siyang plano magdeklara ng martial law, ngunit kung mangyayari man ito ay tahimik lamang itong gagawin.

"I will not declare martial law at kung mag-declare ako ng Martial Law hindi ako mag-iingay," pahayag ni Duterte ngayong Miyerkules sa Cabanatuan City, Nueva Ecija.

Sinabi ng Pangulo na base sa report ng military ay wala namang rason upang mag deklara ng martial law sa ngayon.

"If I feel as a president that I have to preserve my country, I will declare martial law," dagdag niya.

Muling tinukoy ni Duterte ang probisyon sa 1987 Constitution kung saan hinahayaan ang publiko na maghain ng petisyon sa Korte Suprema na kuwestyonin ang pagdedeklara ng martial law.

"In the same paragraph, the president after 60 days should go to Congress for an extension if wants to... complete the slaughter. Ngayon pagdating sa Supreme Court, sabihin ng Supreme Court it is baseless, it does not amount to any legal basis, sabihin ng Congress go ahead because it is the national security which is at stake," sabi ni Duterte.

"Who decides now? Supreme Court sabi 'wag. Congress said yes. Who decides? It is the president so ako. It will discourage me to become a despot because I now can interpret the law itself and it is final," dagdag niya.

Nito lamang ay sinabi ni Duterte na magdedeklara siya ng martial law kapag lumala pa ang problema ng bansa.

Inalmahan naman ito ng mga senador ngunit kaagad namang dumipensa ang ilang miyembro ng gabinete at sinabing nabanggit lamang ito ng Pangulo dahil sa inis.

Ilang beses na ring paiba-iba ang pahayag ni Duterte sa pagdedeklara ng martial law.