Lolo utas sa sex enhancer

TUGUEGARAO CITY, Cagayan, Philippines - Pinaniniwalaang hindi nakayanan ng 74-anyos na lolo ang bagsik ng ininom na pampalakas sa sex matapos itong manigas at iniwan ng kasamang babae sa loob ng pinasukang hotel sa Rizal Avenue, Barangay District 2 sa Cauayan City, Isabela kamakalawa. ?Sa police report na nakarating kay P/Supt. Kevin Bulayungan, hepe ng Cauayan City police,  nag-iisa na lang na namumutla at hindi na natitinag  sa kama ang biktimang si Reynante Polgoso nang datnan ng room attendant na si Florina Pascua dahil bahagyang nakabukas na ang pintuan ng kuwarto nito dakong alas-3:30 ng hapon. Nabatid na nag-short time ang matanda kasama ang isang babaeng nasa edad 30 dakong ala-1:30 ng tanghali. Isinugod sa pribadong pagamutan si Polgoso subalit idineklara na itong patay.