4 high value target sa droga, timbog
CAMP JULIAN OLIVAS, Pampanga, Philippines - Kalaboso ang apat na hinihinalang tulak ng droga matapos itong masakote sa magkahiwalay na buy-bust operation ng pulisya sa Brgy. Sto Cristo, Angeles City, Pampanga kamakailan.
Sa ulat na nakarating kay Chief Supt. Aaron Aquino PRO 3 director, kinilala ang mga suspek na sina Abel Pamintuan 52; Ace Musni 26, at isang alyas Rani Lebanese national at Darwin Nolasco 40, alyas Wax.
Ayon sa ulat, unang naaresto sina Pamintuan at 2 kasama nito sa buy-bust operation sa bisinidad ng nabanggit na barangay alas-4:00 ng hapon kung saan nakumpiskahan ito ng 3 bricks ng marijuana na may bigat na 33 gramo at ibat-ibang klase ng drug paraphernalia at perang ginamit bilang marked money.
Samantala, sumunod na nasakote si Nolasco kung saan nakumpiskahan ng walong plastic sachet ng shabu.
Sinasabing nasa high value target ng pulisya ang apat na suspek.
Pormal na itong kinasuhan at kasalukuyang nakapiit sa angeles city police detention cell.
- Latest