Edad ni Manny walang epekto sa pagsagupa sa mas batang si Jessie
LOS ANGELES – Marami ang nagsasabing magiging rebulto lamang si Jessie Vargas sa loob ng ring, ngunit iba ang tingin ng pinakamalapit kay Manny Pacquiao.
“I want to find out if Manny’s age will be a factor in this fight,” wika ni Franklin Gacal, isang Filipino lawyer na dating kasa-kasama ni Pacquiao.
Ipagdiriwang ni Pacquiao (58-6-2, 38 knockouts) ang kanyang ika-38 kaarawan sa Disyembre 17, habang tumuntong si Vargas (27-10-0, 10 knockouts) sa edad na 27-anyos noong Mayo 10.
Sampung taon ang diperensya sa edad nina Pacquiao at Vargas.
“I’m curious if his age will show here,” sabi ni Gacal, isa sa mga kaibigan ni Pacquiao na nakakasabay niya sa tanghalian sa Kabuki Restaurant sa Sunset Blvd.
Alam ni Gacal na hindi mabilis gumalaw si Vargas kumpara kay Pacquiao ngunit may tsansang manalo kung aabot sa 12 rounds ang kanilang laban.
“He’s the younger fighter that’s why,” wika ni Gacal kay Vargas.
“But we will see if he can take Manny’s punch. I don’t think he’s ever faced anyone who hits as hard as Manny,” dagdag pa nito.
Sa kanyang edad ay si Pacquiao na ang isa sa pinakamatandang lumalaban sa elite circle ng boxing.
Ngunit base sa ilang ulat ay walang epekto sa kanyang kilos ang edad niya.
Sa kanilang training ay sinabi ni chief trainer Freddie Roach na naramdaman niyang madali nang mapagod si Pacquiao sa loob ng ring.
Kaya binigyan ni Roach si Pacquiao ng dayoff.
Nagdesisyon din si Roach na limitahan ang bilang ng sparring rounds ni Pacquiao.
Hindi umabot sa 12 rounds ang sparring ni Pacquiao sa Pilipinas.
- Latest
