Pintor niratrat, todas
MANILA, Philippines - Patay ang isang house painter makaraang pagbabarilin ng hindi nakikilalang salarin sa Brgy. Payatas, Quezon City kahapon ng madaling-araw.
Kinilala ni PO3 Jerome Dollente, ang biktima na si Jose Galdonez y De Jesus, 21, binata ng no. 225 Bansalangin St., Brgy. Payatas B, QC.
Ayon kay Dollente, patuloy pa nilang inaalam ang posibleng taong pumaslang sa biktima na mabilis na tumakas matapos isagawa ang krimen.
Nangyari ang insidente sa sa harap ng isang bahay malapit sa bahay ng biktima, dakong alas-12:30 ng madaling araw.
Kuwento ng isang residente na si Melva Cruz, kasalukuyan siyang natutulog nang magising dahil sa mga putok ng baril na nagmula sa kanilang labas.
Nang kanyang tignan ang labas para alamin ang dahilan ay saka nakita ang duguang katawan ng biktima sa lugar.
Agad siyang humingi ng tulong sa kaibigang si Christian Camacho at itinakbo ang biktima sa Far Eastern University hospital para magamot pero kalaunan ay idineklara rin itong patay dakong alas-3:04 ng madaling araw.
Sa pagsisiyasat ng pulisya sa crime scene narekober ang 10 basyo ng bala mula sa kalibre 45 baril.
- Latest
