Senior citizens day karon

CEBU, Philippines - Magtagbo karong adlawa ang gatusan ka senior citizens sa Probinsiya sa Sugbo aron pagsaulog sa Senior Citizens Day.

Kini pasiugdahan sa Cebu Provincial Federation of Cities and Municipalities Senior Citizens Association of the Philippines, Inc. (CPFSCAP) nga gipangulohan ni Amelia Kiamko.

Ang kalihukan himoon sa Skyrise Alpha, QBE Building sa Cebu Business Park, Dakbayan sa Sugbo sugod alas 8 karong buntag hangtud sa alas 3 sa hapon.

Sila si Bise Gob. Agnes Magpale ug Bokal Jose Mari Salvador, chairman sa committee on senior citizens sa Provincial Board ang mohatag sa ilang message of support sa dili pa ang inspirational message ni Gob. Hilario Davide III.

Matud ni Salvador nga lakip sa tukion atol sa general assembly ang budget alang sa sunod tuig, paghangyo sa kagamhanang probinsiyal nga mabutangan og opisina ang CPFSCAP ug uban pang hisgutanan. (BANAT NEWS)