Love Story
Dear Banat News,
Hello sa tanang readers sa Banat News. Tawga lang ko sa pangalan nga Warren, gay, 29 years old ug nagtrabaho isip call center agent.
Malingaw gyud ko mobasa og Love Story matag Martes, permi gyud ni nako atngan. Ako diay i-share ang story sa lovelife.
Naa ko’y boyfriend karon ug sama sa uban tago-tago ra pud ang among relasyon kay dili ko ganahan nga masumsuman sa tsika ang akong boyfriend nga ginganlan og Christopher. Pero ang suod namo nga friends kay nasayod sa among relasyon ug supportive kaayo sila namo.
Nagkaila mi niya tungod ra pud sa among common friends ug proud kay ko nga mosulti nga ako ra gyud ang nauyab niya nga bayot.
Nakauyon ra siya nako kay dili man gud ko basa kaayo nga bayot. Nagkasuod mi og maayo sa dihang brokenhearted siya kaniadto ug ako permi ang mo-comfort niya.
Pag-una wala gyud nako napansin ang kaguwapo ni Christopher, pero sa dihang nagkadugay ang among friendship, diha nako na-discover nga cute man diay siya uy unya buotan pa gyud.
Na-develop ko niya kay grabe siya ka-gentleman ug dako kaayo siya og respeto nako. Duna higayon nga nag-outing mi uban sa among barkada.
Nakahigayon mi og tsika sa baybayon heart- to-heart talk, ug wala gyud ko kakontrol sa akong gibati nihangyo gyud ko niya kung puwede ba mi nga magka-uyab. Grabe gyud ang akong kakulba sa dihang akong giangkon ang akong feelings kaniya. Nahadlok ko basin masuko o dili na siya managad nako.
Pero na-shock ko sa iyang tubag nisugot ra siya nga magka-uyab mi, pero niana siya nga hinay-hinayan niya nga makat-on siya sa pag-love nako.
Niana siya nga dili man ko lisod higugmaon kay buotan daw ko. Laktod pagkasulti nisugot siya nga magka-uyab mi pero wala pa siya’y romantic feelings, ang iyaha lang nga malingaw siya nako ug mogaan daw iyang pamati kun ako ang iyang kauban.
Hatagan daw niya og pila ka months ang iyang self para makat-on siya sa pag-love nako. Apan kun dili daw mo-click, makontento ra daw siya sa among panaghigalaay ug dili daw mausab ang iyang pagtagad dinhi kanako.
Kahibalo ko nga dili normal ang dagan sa among relasyon pero nisugot na lang ko sa maong set-up kay love man gud nako siya. Sa tinuod lang wala pa sad ko katilaw sa iyang lawas kay mahadlok ko mo-initiate kay basin ma-turn off siya nako. Magpaabot ra ko nga siya ang manghagad, pero ambot lang dili man pud siya manghagad. Kapila na ka higayon nga magtambay siya usahay sa akong apartment, pero wala gyud mi kahunahuna nga mag-sex. Ambot lang uy love man gud nako siya maong maikog ko nga ako ang mag-una una og pakita og moves. Upat ka buwan na ang among relasyon ug nanghinaot ko nga maka-learn ra siya og love nako puhon. Mo-request lang ko sa lyrics sa Ikaw at Ako by TJ Monterde.
Hi Warren! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News
- Latest