Love Story

Dear Banat News,

Hello sa tanang readers sa Banat News. Tawga lang ko sa pangalan nga Anthony, 28 years old ug nagtrabaho sa usa ka restaurant.

Proud ko mosulti nga usa ko ka bisexual ug dugay-dugay nako nga single.

Katapusan nako nga na-uyab mao si Arnel, 25 ug nagtrabaho isip call center agent ug usa pud ka bisexual.

Nilungtad og duha ka tuig kapin ang relasyon namo ni Arnel, ug naabot gyud sa time nga wala nagkasinabot maong  nagkabuwag gyud mi. Nagkaila mi ni Arnel tungod lang sa usa ka group sa Facebook nga kasagaran mga bisexual  ang members.

Siya ang una nga ni-chat nako nitubay pud ko kay wa man sad ko’y lingaw.  Naabot sa punto nga nagkita na gyud mi sa personal. Lima ka buwan sa pagsige namo og date nanguyab siya nako. Ako ra pud siya nga gisugot kay nakauyon ra man sad ko niya. Medyo cute gamay, buotan ug grabe kaayo ka sweet.

Loyal kay ko kang Arnel, ug dili gyud mo-entertain  sa ubang bisexual nga  magparamdam nako.

Masinabtanon siya nga pagkatawo ug happy kay magkasinabot gyud mi sa bisan unsa nga butang.

Wala nako damha nga mabugnaw og kalit ang iyang tinagdan nako. Magsige ko og pangutana kon unsa gyud ang iyang problema  dili ra gyud siya motubag.

Didto nagsugod ang pagsige namo og away kay ambot lang ni Arnel uy, wala nama’y gana.

Gusto niya nga panagsa na lang daw mi magkita kay grabe na kuno siya ka-busy.

Usahay kung magkita mi magdali siya og lakaw  kay naa pa siya’y laing butang nga atimanon.

Magsige na lang ko’g hilak kay mahadlok ko nga mawala siya sa akong kinabuhi.   Kon maglalis mi, ako na lang permi ang mopaubos  kay mahadlok ko nga magkabuwag mi.

Ako siya gipangutana og balik kon unsa gyud ang iyang problema. Nisulti dayon siya nga  dili na puwedeng magdugay ang among relasyon kay nakapamabdos siya ug kinahanglan nga iyang minyoan ang girl  kay estrikto kaayo ang family niini.

Nasakitan pud siya sa among sitwasyon, love gyud kuno ko niya apan nangita lang siya og  bikil aron maoy mahimong rason nga magkabuwag mi.  Nasakitan gyud kuno  siya nga magtan-aw sa higayon nga maghilak ko sa iyang atubangan. Apan mao lang kini ang iyang mahuna-hunaan aron masuko ko niya ug magbuwag mi.   Wala ko’y mahimo, apan kinahanglan niya nga atubangon ang bag-o niya nga responsibilidad.

Dili man gyud unta sila uyab sa girl nga iyang napamabdosan, apan dunay nahitabo nila sa dihang nagka-bonding sila niini sa usa ka house party sa ilang barkada. Sakit kaayo pero ako na lang gidawat ang kamatuoran nga wala gyu’y forever  namong duha. Mo-request lang ko sa lyrics sa  I Know Him So Well by Whitney Houston.

Hi Anthony! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News