Nabugnaw og kalit Naa

Naa ko’y ka MU karon, Medyo Maldito. Magpatambag lang unta ko nimo kung unsa ang angay nako’ng buhaton aron ang akong ka MU napud ang mag gukod nako. Sulod sa pipila na ka adlaw,  cold na kaayo siya. Dili  na siya pareha sa una. Before man gud, sweet kaayo mi’ng duha. Mag sige’g tawag bisan og kadlawon na, magsige og update sa text. Siya pa gani ang mangluod nako kung dili  ko ka update. Ganahan pud siya nga magkita mi pirmi. Karon, nag bag-o na gyud. Ako na pirmi ang sige’g pangayo og update niya, magsige ko’g pangita niya, magsige nalang ko’g huwat sa iyang text. Kasabot ko  nga wala  ko’y right mo-demand kay dili  man mi uyab pero sakit man gud. Naanad ko sa iyang gibuhat before unya karon kay kalit lang nabag-o. Ako nalang ang magsige’g gukod niya. Ingon man siya nga love pa gihapon ko niya, pero lahi na gyud. Unsa kaha ang angay nako’ng buhaton aron siya napud ang mo gukod nako. Unta matambagan ko nimo. — Jennifer

* * *

Jennifer, kung giingon niya nga love pa ka niya, believe him. Sure ko tinuod to iyang giingon. Kay kanang love nimo sa usa ka tawo, dili  mana mawala. Magbag-o lang. Basin love pa ka niya, pero di na pareha sa una. Maybe naa’y mga rason nganong nagbag-o siya. Naa lang ko’y ihatag nimo nga tips nga pwede nimo magamit aron siya napud ang mo gukod nimo. Three things. Una, don’t  be too available. Kaduha, ayaw kaayo pag -clingy niya. Ikatulo, ipakita sa iya nga available ka, dili  lang ka exclusive niya kay di pa man mo uyab. Kalabot sa  una nga tip, don’t be too available. Ayaw kaayo ipakita niya nga siya gyud imong priority. Kung manghagad siya’g laag, mo sugot ra ka diritso, ayaw ana. Ipakita niya busy pud ka sa uban ng butang. Ipakita niya makalaag ka bisa’g wa siya, maka-enjoy ka bisan di siya imong kauban. Dako ang chance nga mas ma-interesado siya mukuyog nimo kung makita niya nga ga-enjoy ka sa imong mga gipangbuhat. Next, don’t be too clingy, ayaw ipakita niya nga uhaw kaayo ka’s iyang attention. Kung sige ka’g text halos every minute, samot dili ka ana replyan. Last, ipakita niya nga available ka,  nga dili  ka exclusive niya. Pwede ka maka-post showing nga gikilig ka, bisan gud og dili  tinuod. To make him realize nga naa siya’y kompetinsya nimo. You can meet other people pud. Basin na stuck ra kaayo ka sa idea nga siya na gyud. Basin diay ma-realize nimo nga naa pa’y someone nga mas maayo niya. Good luck, Jennifer!