Love Story

Dear Banat News,

Maayong adlaw sa tanang readers Banat News. Tawga lang ko sa pangalan nga Christopher, 27, years old ug nagtrabaho sa usa ka coffeeshop nga nahimutang sa dakong mall dinhi sa Cebu City.

Paborito gyud nako ang love story dinhi sa Banat News, dugay nako nga excited nga magpadala sa ako story.

Taud-taod nako nga single apan inspired, lisod siya i-explain pero magsige gihapon mi og kita sa akong akong ex-girlfriend nga si Mileyn.

Nagka-uyab mi niya niadtong 2013 pero nagbuwag mi pagka-2015 kay puros mi na-busy sa among tagsa-tagsa nga trabaho. Nagtrabaho diay si Mileyn isip call center agent.

Gibuwagan ko niya kaniadto kay maglisod daw siya og hatag og time nako tungod sa iyang trabaho.

Pero sa miaging tuig, nabalik bitaw ang among komunikasyon ug nagsugod kini sa among nagkadaiyang nga outing sa among barkada.

Siyempre, bisan buwag nami, dili pud namo amungon ang oras namo para sa among common friends. Kun dunay mga laag unya mataymingan nga susama mi og rest day, magkauban gyud mi ug didto nagsugod og balik ang among kasuod.

Bisan pa man sa among kasuod, wala gyud ko nagpahimulos sa higayon. Mura’g nibalik ang akong feelings niya pero dili nako modiskarte kay daan na siya nga niingon nga mopahuway una siya og uyab-uyab.

Bisan gani kun magteksanay mi moana gyud siya nga kontento na siya sa among situwasyon karon.

Giingnan gani ko niya nga dili ko angay nga ma-pressure ug tugtan ra ko niya nga makauyab og laing babaye total wala baya mi nagbalik.

Usahay moko-medya ko niya kun okay raba nga magbalik mi, igo raman siya mokatawa.

Moana siya usahay nga dili ko angayan maguol kay gihatagan man daw niya og importansya ang among kagahapon. Ang importante daw nga wala mi nagdumot sa usag-usa. 

Masaypan mi sa ubang tawo nga nagbalik, pero igo rami mokatawa.   Nadawat na nako ang kamatuoran, pero wala diay ta kahibalo, basin pa diay dunay milagro nga mahitabo puhon, ma-develop siya nako og balik, ambisyoso, hahaha.  Bitaw, happy kay ko, wala man pud ko nagdali, kun dili gyud mi magkabalik, wala ko’y mahimo, pero kun magbalik gani mi, mag-uros uros gyud na akong kalipay. Mo-request lang ko sa lyrics sa  Ikaw Lamang by Silent Sanctuary.

Hi Christopher! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News