Pangandoy

Ikaw ang bahandi nga dili ikahatag,

 daw sama sa adlaw nga naghatag ug kahayag,

 ang imong pahiyom, maoy nakapawagtang sa kagul-anan,

 ug nanghinaot nga musilsil sa akong alimpatakan,

Dili ikalimod nga ikaw akong gihigugma,

sa matag kanunay ikaw akong gihunahuna,

kay tungod sa gitanyag sa katam-is sa katawa,

nga nagpabuhi sa akong dugo ug sa kaunuran,

Maoy akong pangandoy nga ikaw akong maangkon,

 ug paningkamotan nga ikaw akong lipayon,

nga pinaagi sa gugma nga dili matugkad,

ug sa kahangturan nga ikaw akong permi katupad,

Daghang babaye nga naila-ila,

mga nilalang nga nagkahiusa,

nga nagpadayag sa madanihong gugma,

 sa gugma nga tiunay nga walay makabalda

#HUGOT

Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan?  Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!

Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.

Ipadayag ang imong HUGOT sa gugma! Ipadala   pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:

HUGOT BALAK

C/o Banat News  V. Gullas St., cor. D. Jakosalem St.  Barangay Santo Niño 6000,  Cebu City,  Philippines