Love story

Dear Banat News,

Maayong adlaw sa tanang readers  sa Banat News! Permi gyud ko mobasa sa LOVE STORY. Ako diay  si Winwin, 23 years old ug nag-work isip call center agent.

Duha ka buwan na diay ko nga single ug hangtud karon, naa pa’y hapdos nga gibati sa breakup namo  ni Jessy, 25 years old  ug nagtrabaho sa pharmacy.

Milungtad og usa ka tuig kapin ang relasyon namo ni Jessy ug wala nako damha  ang kalit namo nga panagbuwag.

Nagkaila mi niya tungod sa among common friends. Pag-una, gitupo-tupo ra gyud mi hangtud na-develop mi sa usa’g-usa.

Malipayon kaayo ko uban kaniya kay grabe siya kabuotan. Masinabtanon kaayo nga pagkatawo.

Kung ako siya nga awayon, siya gyud na ang kasagaran mopaubos kay dili siya gusto nga modako pa ang among away. Akong angkunon, grabe ko mutuok niya sa among relasyon. Kanunay ko magyawyaw kun dugay siya ka-reply.

Duna’y usahay, makapamalikas gyud ko ug kanunay gyud ko niya badlungon nianang butanga gumikan kay  ngil-ad daw paminawon ang tawong magsige og pamalikas.

Dunay usahay akong sundon ang iyang tambag, apan  dili gyud kapugngan akong baba, mogawas gyud ang pagsige nako og pamalikas kun mag-away mi.

Kung saputon, usahay ako siyang tungohon,  mura’g dili gyud ko ka-control  sa akong baba.

Hangtud nga naabot ang panahon, nga nakahukom si Jessy nga iyaha kong buwagan.

Mura ko’g nahugno niadtong higayona ug nihangyo ko niya nga dili ko niya biyaan ug nisaad ko nga mag-usab nako.

Bisan nagpakiluoy nako nga dili ko niya buwagan, tibuok na gyud ang hukom ni Jessy  nga iyaha nako nga biyaan kay dili na daw siya kaagwanta sa akong baba ug nauwaw na siya og maayo sa iyang mga higala nga kanunay makadungog kun mag-away mi.

Niluhod ko sa iyang atubangan, grabe akong hilak, apan dili na gyud madala og hangyo si Jessy ug igo na lang ko sa paghilak.

Gi-block nako siya sa Facebook, ug nag-usab na siya og contact number aron dili nako maka-communicate niya.

Sakit pa kaayo ang nahitabo kanamo  ug nanghinaut ko nga maabot ra ang panahon nga maka-move on na ko. Mo-request diay ko sa lyrics sa The Scientist by Coldplay

Hi Winwin ! Thank you so much sa imong LOVE STORY! Paabuta ugma puhon ang imong request

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa                 pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines