Jezebel
Wala g’yud koy nahimo. Wala mosabot si Red sa akong katarungan. Bisan kapoy ang akong lawas, iya g’yud ko’ng gihilabtan. Nagtagbaw siya’g maayo pagdimdim sa katam-is sa akong pagkababaye. Gisubli-subli niya ang pagpahimulos sa akong lawas.
Namatikdan ko nga nag-anam og kabangis si Red. Wala na g’yud siya’y respeto nako isip usa ka babaye. Ang iya na lang kaugalingon maoy iyang giseguro. Bahala na’g masakitan ko basta malipay siya. Mura’g gusto ko niya’ng pasakitan.
Wala g’yud ko masayop sa akong pangagpas nga kun wala na si Manang Ester, mosamot ang pag-abuso ni Red diri kanako. Salbahis g’yud siya!
Nagtagbaw gayud si Red sa pagpahimulos kanako. Hasta sa kapila siya magsubli-subli’g katkat sa kapayas. “Anhi na lang ko matulog, Jezebel,” matud ni Red.
“Dili mahimo,” miinsister ko kay dili ko gusto’ng makig-uban niya sa pagtulog. “Ayaw kabalaka. Mosayo ko’g bangon aron dili ta masakpan sa atong agawon,” matud ni Red.
Wala na lang ko mo-ik. Tuod man pagka-alas 4:30 sa kaadlawon mibangon na si Red ug migawas sa akong lawak. Nakapasalamat ko sa hilom. (Sumpayan)
- Latest
