Sa close friend mo-care

Dear Tita Salie,

Good day and how are you? By the way, just call me Kristi, single but naa koy boyfriend karon. My problem is about my lovelife.

Duna koy close friend nga kanunay mokuyog namo kun duna mi lakaw sa akong bf. Unya ang akong bf adto man hinuon mosikit sa akong close friend. Kun mosakay mi og jeep adto siya motapad paglingkod sa akong close friend. Ang akong close friend ang iyang ingnon nga take care kun molakaw na. Mora man og tua siya mo-care sa akong close friend, Tita Salie.

Tungod sa akong kalagot ako siyang gibulagan pero wala siya mosugot kay kuno love kaayo ko niya. Unsa may akong buhaton? Palihog pasabta ko, Tita Salie. Thank you so much.

* * *

Dearest Kristi,

Tan-awa ug sabta una pag-ayo ang mga gipangbuhat sa imong boyfriend. Tan-awa pag-ayo ang iyang linihukan kun nagkuyog mo uban sa imong close friend. Tungod kay basin og bugalbugal lang ang iyaha ug gusto lang og sadya ang inyong samahan. Tungod kay ako hugot nga nagtuo nga wala’y unod nga angay dudahan ang estorya sa imong uyab. Kay kun tinuod pa nga dunay gitagong pagbati ang imong bf ngadto sa imong close friend dili nimo kini madunggan, dili nimo kini makit-an ug wala ka gyo’y kalibotan nga ikaw iyang gibudhian.

Seguro angayan kang magduda kanila kun medyo kadudahan ang ilang lihok ug halos wala sila’y tingog kun magkuyog mo tungod kay duna kini something nga ilang gitagoan ug dili sila gusto nga magduda nila. Mag-amping gyud sila pag-ayo nga dili nimo sila mamatikdan busa likayan na lang nila ang pagpakita og makadudang lihok.

-- Tita Salie