Bunga sa kalooy

Gula 3

Human makasulod sa kuwarto sa motel sila si Ronnie ug Star, gitutokan ni Ronnie si Star. Ang kabugdo sa iyang dughan ug kaigwad sa iyang sampot ingon man ang porma sa iyang lawas, nakasugnib og grabe’ng kahinam ni Ronnie.

“Magdungan ta’g kaligo,” giingnan ni Ronnie si Star. Tuod, abtik kaayo nga gihukas ni Star ang iyang gisul-ob nga T-shirt ug nasayran ni Ronnie nga wala diay kini magsul-ob og bra.

Wala makatuo si Ronnie kay tuskig pa kaayo ang duha ka bungtod sa dughan ni Star. Gisunod paghukas ni Star ang gisul-ob niya nga karsones-maong ug misamot nga nagtubod ang laway ni Ronnie nga nagtan-aw. Misunod si Ronnie sa paghukas sa iyang gisul-ob ug nagdungan sila pagpaingon sa banyo aron maligo. Wala gayud kapugngi ni Ronnie ang pagbarug sa iyang pagka lalaki.

Gisugdan dayon ni Ronnie ang pagparayeg ngadto ni Star. Gituyok ni Ronnie ang knob sa shower ug diha-diha misirit ang bugnaw kaayo nga tubig. Pareho sila nga nakasinggit og hinay diha nga midapat na ang tubig sa ilang kalawasan.

Diha-diha nga gihapuhap ni Ronnie ang kalawasan ni Star ug nakapasamot kini sa gibati niya nga kahinam. Gigakos niya si Star ug ang dalaga mibawos usab sa paggakos kaniya apan silang duha wala’y gibuhian nga mga pulong.

Wala’y hunong nga gihapuhap ni Ronnie ang porma kaayo’ng lawas sa dalaga ug wala na gayud siya makapugong sa kaugalingon. Giukoban ni Ronnie ang mga ngabil ni Star sa unang higayon.

Misamot ang gibati nga kalalim ni Ronnie diha nga nabatyag niya ang kalumoy sa mga ngabil sa dalaga. Ingon sa nangurog ang iyang kaunoran sa grabeng kahinam.  Gipawong ni Ronnie ang shower ug gikab-ot ang tualya nga nagbitay sa towel holder. Iyang gitrapohan si Star ug giaswat kini paingon sa kama. (Sumpayan)