Ganahan pero sakitan

Dear Tita Salie,

Have a wonderful day. I hope that you are always in good health and I always pray nga happy ka always sa imong life.

By the way, I want you to call me Annah. I am 14 years of age. My problem is about this boyfriend of mine. Naglibog lang gyud ko kun unsay maayo nakong buhaton, busa nagkinahanglan ko sa imong tambag.

Ganahan man gud unta ko nga makigbulag niining akong boyfriend tungod lagi kay naka-realize nako nga bata pa kaayo ko alang niining mga butanga.

But everytime nga mo-attempt ko pagpakigbula’g niya maglisod man ko pagbuhat, Tita Salie, kay love man nako siya. Ganahan unta ko apan sakit sa akong dughan nga dili na kami.

Unsay maayo kong buhaton? Palihog pasabta ko, Tita Salie. Thank you so much and God bless.

* * *

Hello! Bata pa gyud kang tinuoray, iha. Dili lang kay 14 years old ka, daghan pa ka og wala mahibaw-i sa mga butang nga dunay kalabotan ang gugma.

Abi gud nimo, kun mahigugma ta dili kay pulos kalipay ang atong masinati. Tinuod nga tam-is ang gugma apan luyo sa maong katam-is adunay kapait ug kasakit nga dala niini. Busa kon mahigugma man ugaling ka, dapat andam kang masakitan ug mohilak. Kay mao kini ang kasagaran nga atong bation. Tinuod nga sakit ang pagpakigbulag sa tawo nga atong gimahal. Apan mas pait ug sakit kon ikaw naulipon sa pagbati nga dili na nimo gustong ipadayon. Mas pait kon ikaw dili makadesisyon ug dili mahaw-as sa kinabuhi nga dili pa nimo gustong puy-an.

Kadali rang mawagtang ang sakit kon imong makit-an ang meaning sa imong buhaton nga pagpakigbulag. Kon unsay ikahatag nga kaayohan niini ngadto sa imong personal nga kinabui. - Tita Salie