Naghandum gihapon

Dear Tita Salie,

Maayong adlaw. Maulaw man gud ko masayran ang akong problema. Tungod kay naanad ko, Tita, nga ako lang ang mosulbad niini. Apan karon bisan unsaon nako wala pa gyud ko kakita sa kasulbaran.

Tagoa lang ko og si Ms. Brokenhearted, dalaga pa ug nagproblema  ko about my lovelife. Naa ko’y boyfriend kaniadto, Tita Salie, apan wala kini magustohi sa akong mga ginikanan. Love kaayo nako siya. Makit-an ko lang siya ug ika-estorya bisan kadiyot lang dako na kining kalipay alang kanako. Apan ang nakapait kay nagduda ang akong mga ginikanan nga minyo ang maong lalaki. Busa ako siyang gibulagan bisan kun wala pay kamatuoran tungod kay nahadlok usab ako nga tinuod ang ilang gidudahan.

Akong gisugot ang usa ka lalaki nga dugay na usab nga nanguyab kanako. Buotan kaayo kining lalakiha, Tita, ug hitsuraan pud. Apan nganong wala man ko mahigugma kaniya, Tita, ug ang akong ex lang ang anaa sa akong hunahuna. Sakit pa gyod kaayo hunahunaon kay naalaan lang siya nga minyo akong ex, Tita.

Unsa may akong buhaton, Tita Salie? Palihog pasabta ko. Daghang salamat and God bless.

* * *

Good day,

Kun kita dunay problema dili gyud ta dapat maulaw nga mosulti ug mangayo og panabang sa ubang tawo aron dunay kasulbaran ang atong mga suliran.

Unsa may buot ipasabot sa panultihon nga nag-ingon “Man is an Island?” Kini nagpasabot nga kitang tanan nagkinahanglan gyud sa uban kay dili ka mabuhi kun ikaw lang. Nagkinahanglan ta sa tabang ug suporta sa ubang tawo.

Imo usab hunahunaon nga wala’y tawo nga wala’y problema. Kitang tanan adunay problema hinuon dili pareho ang gibug-aton ug dili usab pareho ang atong problema. Seguro ang mga dato wala’y problema sa kuwarta apan dunay dagkong problema mahitungod sa pamilya. Ang mga kabos malipayong pamilya bisan wala’y kuwarta apan mao usab kini ang ilang problema sa mga kabos ang pagka walay kwarta.

Since, natural lamang nga ang tawo dunay problema busa wala gyud kay rason nga maulaw kang mangayo og tabang.

Kun wala gyod kay gugma sa imong boyfriend karon mas maayo seguro kun imong prangkahan ang imong uyab ug sultihan sa tinuod nimong feelings nga wala gyod kay feelings kaniya kay tingali kun magdahom unya siya. Ug imong paabton nga moabot kanimo ang tinuod nga gugma. -- Tita Salie