Maine gikilig ni Piolo
CEBU, Philippines - Gikilig si Maine Mendoza sa unang panagtagbo nila sa Kapamilya hunk actor nga si Piolo Pascual. Sa mga hulagway nga gi-post sa social media, tataw nga nalipay si Yaya Dub sa presensya ni Piolo. Nagkita ang duha sa usa ka event sa giindorsar nila nga bangko.
Posibleng ugat ra
Gitubag sa Kapuso hunk actor nga si Aljur Abrenica ang gipamulong ni Prince Stefan atol sa pagbisita niini sa programa ni Mo Twister nga Good Times With Mo Twister . Una na nga nilenngua si Prince ngadto kang Mo nga dili kaayo dako ang kargada ni Aljur sa dihang nagkadungan sila og kaligo sa aktor kaniadto. “Talaga? Baka ugat lang yung nakita niya!” tubag pa ni Aljur.
Kris mobalik sa ere
Gikumpirmar sa Queen of all media nga si Kris Aquino nga mobalik na gyud siya sa ere ug makita siya sa TV5 ug PTV4.Gianunsyo kini sa aktres pinaagi sa Instagram account niini kung diin makita nga aduna siya’y one-on-one interview ngadto kang President Rodrigo Duterte nga angayan atangan sa manan-away.
Nalabawan ang height
Gibutyag sa Pinoy Boyband Superstar judge nga si Aga Muhlach nga taas pa niya og height ang kamanghuran nga anak nila ni Charlene Gonzalez nga si Andres. Gikagubtan sa iyang followers ang Dubsmash video nga gipost sa aktor kung diin nipakita nga nag-rap kini dungan sa iyang pag-anunsyo nga nitubo na gyud iyang mga anak .
Gisaulog sa orphanage
Gisaulog sa magtiayong Judy Ann Santos ug Ryan Agoncillo ang 12th birthday sa anak nila nga si Yohan didto sa Elsie Gaches Village, usa ka orphanage sa mga batang espesyal nga nahimutang sa Muntinlupa City.
Tak-om
Nagdumili paghatag og reaksyon si Timothy Tan kabahin sa giatubang nga kaso niini nga gipasaka sa iyang asawa nga si Sunshine Dizon. Giklaro niya nga dili una siya mopagawas og impormasyon mahitungod sa gidungog nga karelasyon niini nga si Clarisma Sison aron dili siya makamugna og problema.
Miangkon na gyud!
Gikumpirmar na gyud ni Max Collins nga tulo na sila katuig nga uyab ni Pancho Magno. Gitataw hinuon sa aktres nga dili pa siya andam nga magminyo kay daghan pa siya og plano sa iyang career.
Tips ni Ate Vi
Mihatag og tips ang beteranang aktres nga si Vilma Santos ngadto sa mga young actors ug actresses kung unsaon pagdala sa ilahang mga kuwarta.“Young actors and actresses should also be careful with the people they deal with, and make sure to monitor their finances even if they have accountants or financial advisers,” sigun pa sa aktres.
Christian na-evict
Si Christian Morones maoy labing bag-o nga housemate nga na-evict sa "Pinoy Big Brother" house niadtong Sabado human nakakuha sa labing gamay nga text votes. Silang Maymay Entrata, Yong Mujahil ug Kisses Delavin maoy naluwas niadtong gabhiona.
- Latest