Horn moaway ni Pacquiao bisan adto pa sa buwan
CEBU, Philippines - Bisan tuod og gusto siya nga makigsangka ni Manny Pacquiao didto sa iyang balwarte sa Australia, si Jeff Horn namahayag nga andam siyang moaway sa Pinoy ring star bisan asa.
Sa pagka karon, daw hanap na ang tsansa nga adto mahitabo ang away sa Australia human ang adviser ni Pacquiao nga si Michael Koncz mianunsiyo nga 100 porsiyento siya nga segurado nga adto na ipahigayon ang sunod nga away sa eight-division world champion didto sa United Arab Emirates.
Mismo si Pacquiao mipasiatab sab niining uwahing kalamboan sa iyang Twitter account.
Apan alang ni Horn, kandidato pa gihapon ang Australia isip binyu sa pagbalik og katkat ni Pacquiao ibabaw sa ring karong Abril. Andam hinuon siya nga makighamag ni Pacquiao bisan asang lugara ug wala siya mahadlok bisan adto pa sila mag-abot sa buwan. (BANAT NEWS)
- Latest
