Freeman Opinion ( Leaderboard Top ), pagematch: , sectionmatch: 1

Andam na bang mosukol?

Mahimong nahurot na ang hadlok sa mga biktima. Mahimo sang nadasig na sila sa isog ug mapangahason nga pagsukol sa pipila ka indibiduwal ug institusyon batok sa giisip nga patuyang sa pipila ka polis sa pagpanlaktod sa pagpatuman sa gubat sa ilegal nga drugas.

Maong wa na sila magpakahilom. Wa na modangop sa naandan nga pangiyugpos. Nga mao ra intawon ang nahimo sa kasagaran sa mga tagtungod sa kapin sa 10,000 nga unang nangligdas sa duguon nga kampanya sa unang tuig ug duha ka buwan sa pamunoan ni Presidente Rodrigo Duterte. Inanay na silang nibarug ug namasin nga makaangkon og hustisya.

***

Si Presidente Duterte nimatuod sa iyang talagsaong katakos sa pagbatyag sa pulso sa katawhan pinaagi sa pagpakigtagbo sa mga ginikanan sa mga biktima, pagpasalig nila og makiangayon nga imbestigasyon ug pagpasidaan sa abusado nga mga polis nga mahimong siya ang mangunay pagpatay nila.

Apan nahimutang sa pagduda ang kamatinud-anon sa iyang postura. Kay sukwahi ang gihimo sa iyang mga sinaligan. Giduphan nila ang pipila sa gipasanginlan nga mga polis ug gikuwestiyon ang mga indibiduwal ug mga institusyon nga nitanyag pag-kustodiya sa mga bata ug dagko nga mga saksi sa bangis nga mga krimen.

***

Freeman ( Article MRec ), pagematch: 1, sectionmatch:

Labing klarong ebidensiya sa determinasyon sa pamunoang Duterte pagpahilom sa mga saksi batok sa pangabuso sa kapolisan napasundayag niadtong Sabado sa pinuy-anan ni Obispo Pablo Virgilio David sa Kalookan. Diin nisuway ang mga polis sa pagkuha sa bata nga nakakita sa pagpatay sa 17 anyos nga si Kian Loyd delos Santos.

Gikuyog nila ang amahan sa bata nga ilang giingon nga supak sa pag-kustodiya sa obispo sa iyang anak. Apan nanlipaghong sa kauwaw ang mga sakop sa Criminal Investigation and Detection Group (CIDG) kay ang amahan mismo nipili man sa pagpa-kustodiya sab sa obispo.

***

Human nagpaka-aron-ingnon nga nagdugo ang iyang kasingkasing parang Kian, si Justice Secretary Vitaliano Aguirre nipakita sa tinuod niyang bulok. Nihulga siya pagpasaka og kasong obstruction of justice batok ni Obispo David. Niinsistir si Aguirre nga ang mga saksi angay’ng ipaubos sa witness protection program.

May sukaranan nga mabalaka silang Duterte ug kaubanan. Labing lisod nga ilaron ang katawhan nga nakahukom na sa pagsukol.

leo_lastimosa@abs-cbn.com.

Freeman ( Article MRec ), pagematch: 1, sectionmatch:
  • Follow Us: