Pacquiao-Khan fight susuportahan ni Arum
MANILA, Philippines - Bagama’t ibang direksyon ang pinuntahan ng grupo ni Manny Pacquiao, susuportahan pa rin ni Bob Arum ng Top Rank Promotions ang Filipino boxing superstar.
Magkasunod na inihayag kamakailan nina Pacquiao at dating light welterweight king Amir Khan ang pagkakaroon ng negosasyon ng kanilang mga kampo.
Si Michael Koncz, ang Canadian adviser ni Pacquiao, ang nakipag-usap sa grupo ni Khan at negosyante sa United Arab Emirates na gustong gawin ang naturang laban sa Dubai sa Abril.
Nag-alok ang naturang grupo sa Filipino world eight-division champion ng premyong $38 milyon.
Ngunit hangga’t hindi nakikita ni Arum nang personal ang naturang pera ay hindi siya kaagad maniniwala.
“I think Michael is a little more skeptical and I’m way more skeptical,” sabi ni Arum kay Koncz. “But that doesn’t mean we’re not going to cooperate with Manny to see whether or not this is real.”
Itataya ng 38-anyos na si Pacquiao (59-6-2, 38 KOs) ang kanyang suot na World Boxing Orgwnization welterweight crown laban sa 30-anyos na si Khan (31-4-0, 19 KOs).
Si Khan ay dating regular na sparmate ni Pacquiao sa ilalim ni chief trainer Freddie Roach at minsan nang nagsanay sa Pilipinas.
Nauna nang inihayag ni Arum na si Australian contender Jeff Horn (16-0-1, 11 KOs) ang hahamon sa Filipino boxing superstar at gagawin ito sa Brisbane, Australia.
- Latest
