Maayong kalidad sa lalaki

Kuya, para nimo unsa ang traits sa lalaki nga tinuod nga in love? Kay sa generation karon, uso na kaayo na’ng himuon ra’g game ang love. Maong lisod na kaayo mag-trust sa mga tawo. Naa pa na’ng mga almost relationships nga sakit ra sa dughan ang mahatag. Wala pa ko naka uyab and dili pa pud ko mag-uyab uyab kay masuko akong parents. I’m just asking in case muabot ang lalaki nga makapa heart - heart sa akong mata. I would like to know kung unsa ang seryoso nga laki para nimo. I hope ma feature ni akong pangutana sa imong column. Thank you! --Ariel.

* * *

Ariel, hatagan tika’g signs nga inlove gyud ang lalaki nimo. Pero di gyud all the time nga ma-apply ni sa tanan. Just like girls, ang lalaki kung mahigugma, magselos gyud na. Usahay, masuko ang uban kung seloso o selosa kaayo ilang mga uyab. Pero always remember, ang imong uyab kay seloso o selosa ra kay mahadlok man sila nga mailog ka. Kung di ka gusto og seloso nga uyab, pangitaa to’ng tawo nga di mahadlok mawala ka. Dili  tungod kay love naka sa  lalaki, dili  na siya masuko nimo. Masuko gihapon na ang lalaki labaw na og naa kay nabuhat nga dili  maayo. Pero kung masuko siya ug manakit nimo, dili na kana maayo. Kay ang tinuod nga laki, di gyud na manakit og babaye. Kung mag-away mo sa  imong uyab through text or chat, ayaw’g katingala kung dili  na siya mo-reply nimo. Dili  siya mo-reply, dili tungod kay wa siya’y labot nimo. Dili siya mo-reply kay dili  siya gusto mo taas pa inyong away. Kay most of the time, ang mga babaye, dili  raba gyud magpapildi. Maong muhilom na lang mi. Tunlon ang pride. Kay kung love gyud ka’s usa ka laki, mas importante gyud ka niya kaysa sa iyang pride. Pareha pud sa mga babaye, ang laki nga in love nimo kay mangluod pud na. Mangluod siya di tungod gusto siya mag-away mo. Mangluod siya kay gusto siya magpalambing. Naa la’y times nga ang ubang  girls dili  maka-gets ani. Kung mangluod ang laki, masuko pud sila. Mag-away na hinuon. Pero bisan pa og mag-away mo’ng duha, ang tinuod nga nahigugma, kahibaw mangayo og sorry. Bisan pa’g sala nimo, mag-sorry gihapon na siya aron di na mo taas inyong away. Ug usa pud sa sign nga nahigugma ang laki nimo, kay katong dili  mauwaw nga hilakan ka. Ayaw lang og salig sa tanan maghilak -hilak kay basin talent pud na nila. Best in acting ba. Basta, Ariel, kung ma-inlove ka's usa ka laki, ayaw og kalimot og love sa imong self first.