Nausab na ang pirma human naminyo

Dear Atty. Divine,

Duna ko’y pangutana labot sa akong signature. Dalaga pa ko, miyembro na ko sa SSS, kon Social Security System, PhilHealth ug Pag-IBIG. But last year naminyo ko ug ang apelyido na sa akong bana ang akong gigamit karon.

Tungod niini, nausab sab ang akong signature. Ang akong pangutana kun dili ba ko mosango niini, considering nga lahi na ang akong signature? Unsa’y angay nako nga buhaton? Daghang salamat. - Gina

Dear Gina,

Ang una nimo nga buhaton mao ang pag-update sa imong records sa SSS, PhilHealth ug Pag-IBIG pinaagi sa pag-submit og marriage certificate  aron mausab sab ang imong status from single to married.

Kun ma-update na ang imong record, at least, ma-justify sab ang imong pag-usab sa signature kay lahi na man ang imong apelyido ug dili na unya ka magkaproblema kun mo-avail ka sa ilang mga benefits. Thanks and God bless. - Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.