2 trak ng minahan sinunog ng NPA
Tuguegarao City, Cagayan, Philippines - Dalawang truck ng Philex Mining Corp. na kargado ng copper ore na dadalhin sana sa San Fernando City sa La Union ang sinilaban ng mga rebeldeng New People’s Army (NPA) sa kahabaan ng highway sa Sitio Tupac, Barangay Ampucao sa bayan ng Itogon, Benguet kahapon ng umaga. Base sa police report na nakarating sa Benguet Police Provincial Office, hinarang ng mga rebelde sa ilalaim ng Chadli Molintas Command ang dalawang trak sa itinayong checkpoint saka pinababa ang dalawang driver na sina Rogelio dela Cruz at Danilo Aglugub.? Dinisarmahan din ng mga rebelde ang sekyu ng minahan na si Danny Bay-an. Nabatid na ang Philex Mining Corp. ay hindi napasama sa 23 minahang ipinasara ng DENR subalit inaakusahan naman ng mga residente na nagtatapon 50,000 toxic waste malapit sa bayan ng Tuba noong 2012.
- Latest