Banatanay; Mahugno ang relasyon?

Sanden:  Maayong adlaw mga Kabanatay nga kanunay gyud nag-atang sa atong segment  matag Martes. Hi diay kang Tita Yurs ug sa akong higala nga feeling guwapa nga hampaslupa nga si Jaypee.  Mitumaw ang kasikas karon nga nagtakilid matud pa ang relasyon nila ni Pia Wurtzbach ug sa car racer nga si Marlon Stockinger. Giingong mao kini ang resulta sa pag-ulbo sa tsika nga matud pa duna’y kaluhang anak si Marlon. Nisamot pa gyud ang maong isyu sa dihang nipatim-aw ang modelo nga si Kit Barraquias ug nitumbok kang Marlon nga amahan sa iyang mga anak. Nagduda ko nga wala gyu’y ideya si Pia sa background ni Marlon. Apan posible pud nga nakahibalo na siya daan, pero iyaha lang pud kini nga gihilom. Okay ra man gyud unta naay anak, pero ang pangutana, gitug-an ba kaha kini ni Marlon ngadto kang Pia? Kakuyaw sa ilang relasyon, posibleng malunod.

Yuri:   Hellllooooo  mga Kabanatanay, usa na pud ka isyu ang atong tukion karun nga puno sa gugma hahahahaha. Avisala Sanden nga nangraket sa miaging adlaw nga sigon pa sa akong source, gabitbit og boyfriend sa location. Pawong na tanan, ug siyempre sa akong beshie Jaypee nga very busy sa iyang pagpa- gwapa.Para nako, it doesn't matter kun unsa ang past ni Marlon,  ang importante si Pia ang present. Acceptance is the key para ni Pia kay kun dili mao na giingon nga mamutos na siya! hahahaha!

Jaypee:  Olah everyone, maayong adlaw Kapatid, Kapuso ug Kapamilya.

Whether you like it or not, it's BANATANAY ONCE AGAIN! Ania na sab ang tulo ka mga nilalang nga dili  kaayo tantong gwapa, KABANATAY SANDEN, YURI and yours truly, lovable Jaypee nga manglibak na sab sa inyong mga giidolong artista, mohisgot sa nag-trending karong panahona, Makaingon na sab ko sa akong self as a person in the solar system nga nabaniog na sab karon ang kalibutan sa showbiz tungod niining chika nga matud pa adunay napaangkan si  Marlon, butang daw nga gikasakit karon ni Pia. Well well well, laktud nga pagkasulti, usa ko sa nalipay pag -ayo sa dihang nasayran nako nga nanalinsing ang romantic relationship tali nilang duha kay alang kanako perfect match man sila.  Ang akoa lang unta karon nga palapdan pa ni Pia ang iyang salabutan ug pagsabot kun ugaling tinuod gyud nga may anak si Marlon sa laing babaye.  Ang importante mao nga wala nagkaanak si Marlon sa laing babaye sa dihang sila na ni Pia ug nahitabo kadto sa dihang dili pa sila mag-on. Di ba? It’s just a matter of wide understanding! Agay!

Sanden:   Hoy Tita Yurs, intriga to the maxx lage kay ka, hindi po yan totoo nga magbitbit ko’g bayook sa raket. Kumareng Yuri and Jaypee, sakto bitaw nga dili gyud mag-matter kun unsa ang kagahapon ni Marlon, pero ang problema ana ron, ulahi na kaayo si Pia nakahibalo, I’m sure masakitan gyud siya  kay  wala gyud mosulti niya daan si Marlon. Pero bilib kong Pia, nagpakahilom lang gyud siya sa maong isyu, seguro kahibalo pud siya kun asa siya molugar. Ang naproblema og maayo karon mao si Marlon. Mao ka Tiyo Marlon, kinahanglan gyud ka manukod diha ron.

Yuri: Kun nakahibalo na si Pia nga naa nay anak si Marlon, it’s a package deal na siya para nako. Dili ba ang gugma dawaton ang tanan kun  unsa pa man na siya? Ganahan ra ko sa lengua sa  inahan sa mga anak ni Marlon,  wala na siya nangayo og sustento kay she's earning . Pero dili ba gyud unta na dapat. Kinahanglan si  Marlon muhatag gyud og support. Kun  ako si Pia, go lang ng go.  Dili ko mahibulong naay anak si Marlon, sa iyang status daghang mga byangka ang nagukod niya. Feeling nako maka-relate si Beshie Jaypee. hahahahaha!

Jaypee:   Beshie Yuri and Hampaslupa Sanden,  makaingon na sab ko sa akong self as a beautiful person nga sa kalibutan sa gugma,  dili lamang puros katam-is, suwayan usab mo sa kapait sa kinabuhi arun masukod gyud og asa mo kutob.  Mao ni run ang nahitabo nilang Pia ug Marlon, kun  di lang gyud mobuhi si Pia sa higot nga gihuptan nilang duha ni Marlon, hayan magmalampuson gyud ning relasyon nilang gihangad sa kadaghanan.  Sama sa akong gikaingon, kining sitwasyon nila run nanginahanglan lang gyud ni og halapad nga pagsabot ni Pia.  And knowing Pia, I know she knows how to balance everything.

Sanden: Wow, ana gyud diay na Kumareng Jaypee, kinahanglan gyud nga lig-on nga paghupot aron dili mabungkag ang usa ka relasyon, dahh,lami kaayo molenggua uy. Mura sad ka og guwapa uy. Mag-atang na gyud ta ani sa sunod nga mahitabo. Sayang pud baya kun magkabuwag sila, grabe jud baya sila kawagas sa social media.  Daghan jud ang makugang kun magbuwag sila. Sige na uy, manglakaw na ta mga Kumare, kay napa ko’y meeting.

Jaypee:   Anugunan man gyud ko sa nasugdan na nilang relasyon. Maytag mapangitaan lang gyud na og paagi uy.   Anhi usab musulod ang tinud- anay nga pagkalalaki ni Marlon ug kun hangtud asa ang pwede niyang himuon arun maluwas lang ang ilang relasyon.  Kun ugaling tinuod gyud nga may anak na siya kaniadto nga maoy nakaapekto run sa ilang relasyon, unta mopatigbabaw ang pagka amahan ni Marlon sa iyang mga anak dungan sa paghatag niya og balanse nga oras sa iyang  uyab nga  nahimong Miss Universe nga gipantasya dili  lang sa mga kalalakin- an sa Pilipinas , kundi lukop kalibutan. Magpakita lang gyud unta og dakong effort si Marlon nga subling makuha niya ang trust ni Pia kay matud pa sa atong very own Miss Universe, "I'm not a catch, I'm a Prize."

Yuri:    Wow! very impressive ang mga lenggua sa akong mga beshie beshie napuno sa gugma ug pagkagusto, hahaha.   Para nako, magpadayon sila sa ilang gugma ug hangtud asa sila maabot, magmalipayon na lang pud kita kay ang pagka-amahan ni  Marlon,  given na sa wala pa sila nagkaila ni Pia. Ug si Pia kun  nahigugma siya ni Marlon, dawaton niya ang tanan nga  past, present ug ang future. Beshie Jaypee ug Sanden tawo lamang sila ug dili perfect mao nga lets accept it.  Dili sila maglisod og pangita pa og laing partner kun dili mulungtad ang ilang relasyon. Mao nga Let's be happy for them! Ug kitang tulo naa pa kahay Marlon nga maabot nato? Hahahahaha. Daghang salamat sa inyong pagbasa mga Kabanatanay.

Alang sa inyong mga reaksyon, mahimo ninyo kini nga  ipadangat sa “Banatanay  Text Line ”  pinaagi sa 0942-359-8803  .  Butangi palihug og ngalan ug address. (BANAT NEWS)