Mister Ipagpapalit si Misis sa Kabit

Dear Vanezza,

Nandito kami sa Canada ng mister at anak ko, pero nagagawa pa rin niyang mambabae mula sa ‘Pinas dahil sa Facebook. Nahuli ko sa bill ng telepono namin na tinatawagan pa rin niya ang babae niya. Samantalang nung nasa ‘Pinas kami ay hindi niya kami matawagan sa landline. Puro video call lang. Kapag sinisita ko ay siya pa ang galit. Tinawagan ko yung babae, matapang pa. Pinadalhan daw siya ng bulaklak ng asawa ko nung Valentine’s Day. Tapos sabi sa akin, iiwan daw ako ng mister ko at magsasama na sila. Fifteen years na kaming mag-asawa at may dalawa kaming anak. Ano ba ang dapat kong gawin? – Ella

Dear Ella,

Style lang ng lalaki ang galit-galitan kapag sila ang nasisita. Huwag kang padadala. Dahil ikaw ang biktima sa sitwasyon. Ipaglaban mo ang inyong pamilya, para na rin sa kapakanan ng mga bata. Malakas ang support ng mga ahensiya sa Canada na mayroong marriage counseling na maaari ninyong gawing mag-asawa. Makatutulong ito para makita ang puwedeng kakulangan ng bawat isa. Para mapaalalahanan din ang mister mo sa mali niyang ginagawa.

Sumasainyo,

Vanezza