Kagawad gitigbas

CEBU, Philippines - Nalandig sa tambalanan ang usa ka barangay kagawad sa Mantalongon, Dalaguete human gitigbas og pinote atol sa pagtubag og alarma isip chairman sa committee on peace and order. Sa pasiunang imbestigasyon sa kapolisan nasayran nga ang biktima nga si Venancio Geolin Jr., 48, kuyog sa iyang tanod sa pagtubag sa alarma sa panimalay ni Rosendo Amosa kay nagmaoy ang umagad nga si Caminero tungod sa kahubog. Apan imbis mopatuo si Caminero nilanit na hinoon kini sa bitbit nga pinote dayon tigbas sa biktima kinsa nakaangkon og samad sa ulo ug kamot. (BANAT NEWS)