2 patay sa pamamaril
MANILA, Philippines – Napatay ang 45-anyos na konsehal ng barangay at isa pang mister sa naganap na magkahiwalay na insidente ng pamamaril sa bayan ng La Libertad, Negros Oriental noong Biyernes ng hapon.
Base sa ulat ng pulisya na nakarating sa Camp Crame, kinilala ang unang biktima na si Kagawad Jojo Gantalao ng Barangay San Jose sa nasabing lugar.
Ayon sa imbestigasyon, pinagbabaril ng mga armadong kalalakihan na lulan ng motorsiklo ang biktima kung saan nagawa pang maisugod sa Guihulngan City District Hospital pero idineklarang patay.
Narekober sa crime scene ang pitong basyo ng bala ng cal .45 pistol.
Samantala, dakong alas-5 naman ng hapon nang pagbabarilin ng mga hindi kilalang kalalakihan ang biktimang si Filomeno Vergara sa Barangay Pisong sa bayan ng La Libertad.
Nagawa pang maisugod sa Guihulngan District Hospital ang biktima pero nabigong maisalba ang buhay.
- Latest