Pinoy jins sisipa sa Asian Taekwondo C’ships
MANILA, Philippines - Magpapadala ang Philippine Taekwondo Association (PTA) ng 27 jins na magtatangkang humakot ng gintong medalya sa 2017 Asian Junior Championships na gaganapin sa Abril 19 hanggang 21 sa Atyrau, Kazakhstan.
Sisipa ang 16 jins - siyam na lalaki at pitong babae - sa sparring habang aarangkada naman ang 11 atleta -limang babae at anim na lalaki - sa poomsae.
Sasabak sa sparring (Male) sina Gabriel Elpidio Lamarca (-45kg), Dinneson Wilrej Caneda (-48kg), Raymundo Alombro III (-51kg), Carlo Dominic Dionisio (-55 kg), Sturdy Jay Gilbuena (59kg), Harley Vincent Santos (-63 kg), Gabriel Salaknib Soria (-68 kg), Mark Arby Gariega (-73 kg) at Alvaro Joaquin Aranton (-78 kg).
Lalarga naman sa Female sina Ezra Balingit (-42 kg), Abigail Faye Valdez (-44 kg), Laizel Angela Abucay (-46 kg), Rryshel Jasmine Ramirez (-49 kg), Beatrice Kassandra Gaerlan (-55 kg), Florence Mae Chavez (-59 kg) at Laila Delo (-63 kg).
Sa Poomsae, lalaro sina Patrick King Perez, Justin Carlo Mendoza, Jesie Daniel Ignacio, Justin Kobe Macario at Shane Jeremy Benavente sa male at sina Jade Ashley Carno, Chelsea Xen Tacay, Daphne Ching, Maria Aliana Erece, Aldaine Krisha Laxa at Lee Robiegayle Navales sa female.
Kasama sa delegasyon sina Igor Mella (head of delegation), Alvin Taraya at Napoleon Dagdagan Jr. (Kyorugi coaches), Rani Ann Ortega (Poomsae coach) at Jeordan Dominguez, Poomsae trainer).
Lalahukan ang Asian Junior Championships ng 39 bansa sa pangunguna ng powerhouse South Korea, Iran, China, Chinese Taipei, Japan at Thailand.
Kamakailan, humakot ang Pinoy jins ng 16 medalya kabilang ang limang ginto sa 2017 ASEAN Championships sa Perlis, Malaysia.
- Latest
