Tauhan ng LTO-NCR, ikakalat sa Semana Santa

MANILA, Philippines - Pinakalat na ng pamunuan ng Land Transportation Office (LTO) -National Capital Region  ang mga tauhan nito sa ibat ibang lugar sa MMLA upang alalayan ang mga motorista ngayong Semana Santa.

Ayon kay LTO-NCR Director Clarence Guinto , ang mga tauhan ay round the clock na magbabantay sa mga lansa-ngan sa North, South, East, West at Camanava area sa Metro Manila para tiyaking road worthy ang mga pampa-saherong sasakyan laluna ang mga passenger bus ngayong holy week.

Bukod sa mga elemento ng LTO traffic enforcers, magsagawa naman ng random drug testing at medical check up ang mga opisyal ng LTO-Manila Licensing Office, Manila North District at LTO-Manila South District para matiyak na ang lahat ng PUV drivers ay physically, emotionally, at spiritually fit sa pagmamanebo

Sinabi ni Guinto na mag­lalagay din ang LTO-NCR  ng”Help Desk” sa lahat ng bus terminals sa NCR para ayudahan ang riding public.

Una nang nag-seminar sa LTO ang may1,000 drivers ng truck, bus, jeepney, taxi at iba pang PUV driver sa ibat ibang LTO districts sa Metro Manila kaugnay sa ‘Oplan Ligtas Biyahe’ program ng ahensya.