Family day sa CPDRC gilaraw

CEBU, Philippines - Nagplano ang tigdumala sa Cebu Provincial Detention and Rehabilitation Center nga mopahigyaon og family day sa mga inmates karong Pasko. Apan dili sama sa naandan nga mahimong mag-overnight stay ang pamilya sa mga priso, karon limitado na ang oras sa usa ka adlaw.

Si Dr. Gil Macato ang acting warden sa CPDRC nagkanayon nga alang sa ”humanitarian reason”  kun nganong gusto sila mopahigayon og family day sa mga priso panahon sa Pasko. Hinuon matud niya nga mananghid pa siya kang Gobernador Hilario Davide III kabahin niini. Dugang niini nga kinahanglan sab nilang sabotan pag-ayo ang maong laraw partikular na ang seguridad ug ang pagsusi sa mga dad-on nga butang sulod sa prisohan gikan sa mga dalaw.

“Actually dili sila strict but they limit the number or amount that they get inside, amounts exceeding for normal use, like if it will be use for commercial quantity already, we don’t allow it” matud ni Macato.

Siya nagkanayon nga wala pa sila makapili og adlaw kun kanus-a himoon ang family day lakip na kun pila ka oras ug pila ka sakop sa pamilya sa priso ang makasulod.

“Yes, those who are allowed in the quadrangle during the family day are those inmates who are really have a family that visited, those inmates who don’t have visitors, they cannot go inside the quadrangle,” dugang ni Macato. (BANAT NEWS)