Mindanao tatayuan ng LRT

Upang magkaroon ng ‘interconnection’ sa mga lalawigan ng Mindanao, nakatakdang itayo ang Mindanao railway system.

Sa pahayag ni Surigao del Norte Rep. Robert Ace Barbers, mahalagang magkaroon na ng railway system sa Mindanao upang umunlad ang pamumuhay ng mga residente.

Ang panukalang Mindanao railway system ay nakapaloob sa House Bill 3857 na naglalayong magkaroon ng isang affordable mass transit sa Mindanao.

Kung masisimulan kaagad ang nasabing proyekto ay siguradong mas uunlad ang Mindanao.

Mas magiging maunlad din aniya ang pamumuhay sa mga probinsiya ng Mindanao dahil sa interconnection ng mga lalawigan. (Ulat ni Marilou Rongalerios-Escudero)