Respeto Para sa OFW

Masarap magtrabaho para sa overseas Filipino workers na domestic helpers kung ang trato sa kanilang ng mga amo ay kapamilya rin.

Ang iba sinusuwerte dahil sa nakatatanggap na bonus, extra day off, at may ibinibigay pang incentives na damit, pabango, at minsan alahas. Kaya  inaabot sila nang matagal sa paninilbihan dahil maayos ang  trato sa kanila ng mga employers. Maraming kuwento ng OFW na generous na employer na ang iba ay talaga may effort na magbigay ng extra miles.  Pero may mga malas din sa kanilang employer na bukod sa hindi sumusunod sa kontrata ay wala pang day off na ibinibigay sa kanilang ng mga salbaheng amo. Ang masama pa ay minamaltrato ang ibang OFW.

Hindi materyal na bagay ang hinihiling ng mga OFW, kundi respeto at pang-una na dapat itrato ring tao ang mga kasambahay sa ibang bansa na nagtatrabaho ng maayos.