Anak ni LJ kumpirmadong may tatay na!

Mamaya na mapapanood si LJ Re­yes sa Pinulot Ka Lang Sa Lupa kung saan may tarayan, paseksihan, at sampalan sila ni Julie Anne San Jose. Sa eksena rin maririnig na sinabi ng karakter ni Julie Anne na “Hindi ba pareho lang tayong pinulot sa lupa?”

Hindi pa alam ni LJ ang time slot ng bago niyang afternoon drama na D’ Originals at kung ano ang gagawin sakaling umeere pa rin siya sa Pinulot Ka Lang Sa Lupa. O baka naman patatapusin muna ito, bago tumakbo ang D’ Originals.

Hindi pa sila nagti-taping ng D’ Originals, kung saan si Mark Herras ang makakapareha ni LJ. Excited ang aktres dahil makakasama niya si Jaclyn Jose at kasama rin sa cast si Kim Domingo.

Anyway, ni-like ni Paolo Contis ang picture ni LJ na naka-swimsuit at nabanggit namin sa aktres na parang nakita na niya si Mr. Right Guy sa boyfriend. Close rin si Paolo sa anak niyang si Aki.

Naging emotional ang mabilis na usapan namin ni LJ nang mag-dialogue kaming masaya kami para sa kanya at kay Aki dahil nagkaroon na ng “ama” ang bata.

Kontrabida sa Jollibee may FOTA na

Mabuti at hindi na-insecure ang contenders sa fanta-reality show na The Fiercest of Them All (FOTA) kay Matthias Rhoads, isa sa tatlong judges ng rea­lity show. Mas in-interview kasi ang binata kesa sa kanila. Hahaha!

Ito’y dahil mas sikat sa kanila ngayon ang 24-year-old Fil-Am actor-model, at blogger dahil sa TVC ng Valentine’s Day Series ng Jollibee. Siya ang groom sa VOW episode, siya raw ang bad guy and he doesn’t mind. Kuwento nito, sa first audition, ang role ng groom na agad and ibinigay sa kanya at sa paulit-ulit na audition, ‘yun pa rin ang role niya.

May isinulat si Matthias sa Instagram (IG) tungkol sa experience niya being in a TVC na nag-viral at pati sa States, pinanood din at nakakatuwa ang comments ng mga Kano. “I ended up experiencing Andy Warhol’s 15 minutes of fame phenomenon... and I couldn’t be more grateful,” part ng post nito.

Walang speaking lines sa TVC si Matthias, pero sa FOTA, maririnig ang boses niya with an American accent at makikita rin ang katawan na puno ng abs. Kasama niyang judges sina Bea Jocom at Doggficher at sila ang pipili ng winners sa eight contenders.

Hosted by Daiana Menezes, simula ng airing ng FOTA sa March 5, 9 p.m., sa GMA News TV.

Joross pasok sa Encantadia

Hindi talaga nauubusan ng sorpresa ang Encantadia pagdating sa story at bagong cast members. After Eula Valdez and Phytos Ramirez, sina Arra San Agustin, Marx Topacio, at Joross Gamboa ang dagdag na cast.

Sa teaser ng fantaserye, member ng tribung Punjabwe sina Joross at Mark at gagampanan ni Joross ang role ni Rehav Manik. Sabi ng manager ni Joross na si Noel Ferrer, suwerte ang aktor dahil kasama rin siya sa cast ng Star Cine­ma super hit movie na My Ex and Whys.

Hindi binanggit ang pangalan ni Marx, pero kilala natin siya hindi lang dahil model at actor, dahil siya ang boyfriend ni Maxine Medina.

Ryza may taga-depensa sa bashers

Patuloy ang pamba-bash kay Ryza Cenon ng viewers ng Ika-6 Na Utos dahil sa role niyang kabit ng karakter ni Gabby Concepcion. Iyong iba, pine-personal talaga ang galit kay Ryza at hindi nila mahiwalay ang Ryza na aktres at Ryza na tao.

Mabuti na lang at laging ipinagtatanggol si Ryza ng boyfriend niyang si Pocholo Barretto. Iinit ang ulo ni Ryza kung wala siyang mapaghihingan sa mga basher.