May misyon si Fernandez sa San Beda

MANILA, Philippines – Sa kanyang pagbabalik sa San Beda ay walang ibang nasa isip si coach Boyet Fernandez kundi ang igiya ang Red Lions sa ikalawang sunod na NCAA basketball championship.

Opisyal nang hina-wakan ni Fernandez, tinu-lungan ang San Beda sa pagkopo ng 2013 at 2014 NCAA titles bago pinamahalaan ang NLEX sa PBA, ang ensayo ng Red Lions noong Huwebes.

Muling kinuha ng San Beda si Fernandez matapos umalis si mentor Jamike Jarin para pamunuan ang National University Bulldogs sa UAAP.

Sa kanyang pakiki-pag-usap sa mga players ay inilahad ni Fernandez ang kagustuhan niyang mapanatiling suot ang NCAA crown na inangkin ng Red Lions matapos walisin ang Arellano University Chiefs sa nakaraang 92nd NCAA season.

“I told the players that it will be a disappointment if San Beda will not win the  championship this coming season and we need to work harder because it will not be easy since the opposing teams improved a lot,” sabi ni Fernandez.

Sa huling taon ni Fernandez sa San Beda ay mga rookies pa lamang sina Radge Tongco at Jayvee Mocon.

Sina Cameroonians Donald Tankoua at Arnaud Noah, AC Soberano at Jomari Presbitero ay kanyang mga hinugot at inilagay sa second team.

“For me, its all back to zero because most of the players I saw were new ones and I need to fami-liarize them with my system,” sabi ni Fernandez.

Ang sistemang tinutukoy ni Fernandez ay ang kanyang defensive style na nagbigay sa Red Lions ng NCAA titles noong 2013 at 2014.

“I like Jamike’s system, fast paced, full court prsssure all the way, but I’m more of a disciplined system that do no gamble too much,” wika ni Fernandez.