Regine nagpasalamat sa ABS-CBN

CEBU, Philippines - Nagpasalamat ang Kapuso singer nga si  Regine Velasquez  ngadto sa  ABS-CBN gumikan sa pag-atiman niini sa career sa iyang higala nga si Jonalyn “Jona”  Viray.

Usa si Regine sa mga special guest ni Jona atol sa  first major solo concert niini nga “Queen of The Night: Jona,” sa KIA Theater sa miaging gabii.

“I would like to personally thank ABS-CBN for giving this young lady a chance. You know, she deserves it. She’s one of the few na sobra pong talented and I really, really believe in her and I’m so happy that you have this concert. Ang dami-daming tao.And may I just say that you are not only queen of the night, you are queen period,”  saysay pa ni Regine sa dihang nitungtong na siya sa entablado.

Nag-duet sila si Regine ug ug Jona sa “I Believe I Can Fly” ug nakadawat kini og sipa nga pakpak sa audience.

Gihatagan og balay

Gihatagan  matud pa og balay si Sunshine Dizon  gikan  sa iyang estranged husband nga si Timothy Tan.  Giingong tipik kini sa ilang kasabotan sukad sila nagbuwag.

Nadine nag-negosyo

Malipayon si Nadine Lustre gumikan kay  nakabaton na gyud siya og negosyo. Nasayran nga gihatagan og kaugalingong franchise ang aktres gikan sa usa ka nail spa nga iyang giindorso.

Unya ra

Wala pa gyud  makahunahuna sila si Rodjun Cruz ug Dianne Medina nga magpakasal bisan pa man nga siyam ka tuig na ang ilang relasyon. Matud pa sa duha nga wala sila magdali sa maong butang sanglit salig na  sila sa ilang panaghigugmaay.

Diet ug Michelle nagbuwag

Nagbuwag na sila si Diether Ocampo ug Michelle Barrer ug nagpabilin sila nga nagpakahilom sa rason niini. Nakugang ang fans ni Diet sa maong balita gumikan kay wala sila magtoo nga mao kini ang mahitabo sa lovelife sa aktor gumikan kay sweet man kaayo kini ngadto kang Michelle.

Wala mo-rate?

Niulbo ang taho nga matud pa dili magdugay sa ere ang serye ni Inah de Belen nga Oh, My Mama! Giingong pulihan ang timeslot niini sa upcoming series sa GMA-7 nga Ika-6 na Utos . Ang maong serye pagabidahan nila ni Sunshine Dizon, Gabby Concepcion, ug  Ryza Cenon .

Ritz excited kang Paulo

Nagpanikad matud pa si Ritz Azul sa giluto nga serye sa ABS-CBN  alang kaniya kung diin makauban niya si Paulo Avelino.  Wala’y gibating pagmahay si Ritz sukad nibalhin siya sa ABS-CBN gikan sa TV5.

Nag-obserbar pa

Padayong giobserbahan ni Jasmine Curtis Smith ang iyang career sa TV5 ug wala pa kini makahukom nga mobalhin na og laing network. Nasayran nga nag-iyahay na og balhin sa laing istasyon ang mga kauban niya sa maong network.

Homecoming concert

Plantsado na ang tanan alang sa home coming concert sa grupong  4th Impact karong  December 3 sa KIA Theatre. Ang maong grupo gilangkoban sa magsuong  Mylene, Irene, Celina ug  Almira. Nisamot og kasikat ang 4th Impact human kini nisalmot sa “The X Factor UK”.

Nagkalawom

Gibutyag ni Gerald Anderson  nga nagkalawom og samot ang mga eksena nila ni Kim Chiu sa ilang comeback series sa ABS-CBN.  Masaligon si Gerald nga nagpabilin gihapon ang Kimerald fans. 

Himoong regular host

Sukad nahimong  guest co-host si Kim Chiu sa noontime show sa ABS-CBN nga It’s Showtime, nakadawat  kini og mga positibong feedback. Nitumaw karon ang tsika nga matud pa himoong regular host si Kim sa maong show.  Magpabilin gihapon si Kim  sa umaabot nga season sa The Voice.

Baron naglinabad na pud?

Gitangtang si   Baron Geisler sa  movie project nga Bubog  ug ang direktor mismo nga si Arlyn dela Cruz maoy nakahukom niini.

Matud pa nga  naglinabad si Baron sa shooting sa maong pelikula ug giingong  wala kini nagpakita og respito  ngadto sa co-star niini nga si Ping Medina.

Wala hinuon gidetalye sa direktor ang kinatibuk-ang hitabo apan tataw niini nga makapadayon ra ang maong pelikula  bisan wala si Baron.

Giingong nisaad kaniadto si Baron ngadto kang Direk Arlyn nga magbag-o na siya apan wala natuman ang saad sa aktor.

Sa pagsuwat niini nga balita, wala pa mohatag og komento si Baron kalabot sa maong isyu.

Bea ug Zanjoe nagtingog na!

Nagtagad na  ang kanhi mag-uyab nga sila si Bea Alonzo ug Zanjoe Marudo  ug nahitabo kini atol sa trade launch sa ABS-CBN dili pa lang dugay.

Nagpabilin ang duha nga tak-om sa rason sa ilang breakup gumikan kay girespeto nila ang usa‘g-usa.

Nalipay ang fans nila ni Bea ug Zanjoe gumikan kay nag-beso beso gyud ang duha sa dihang nagkaabot sila sa nahisgutang kalihokan.

 “Mahaba ang pinagsamahan namin na hindi mo puwedeng itapon lang,” hirit pa ni Bea.

Malipayon karon si Bea sa gidungog nga relasyon nila ni Gerald Anderson, samtang kontento na si Zanjoe sa iyang pagka-single.  (BANAT NEWS)