Abaya, Mar inireklamo ng plunder sa MRT maintenance deal

MANILA, Philippines — Nahaharap sa kasong plunder ang mga dating miyembro ng gabinete ng nakaraang administrasyon sa pangunguna ni dating Transport chief Joseph Emilio Abaya kaugnay ng umano’y maanomalyang P3.8-billion maintenance contract para sa Metro Rail Transit Line 3.

Inihain ng mga tauhan ng Department of Transportation (DOTr) ang reklamo sa Office of the Ombudsman ngayong Martes.

Dawit sa kaso sina:

• Mar Roxas (Department of the Interior and Local Government secretary, Transportation and Communications secretary)
• Florencio Abad (Department of Budget and Management secretary)
• Cesar Purisima (Department of Finance secretary)
• Jericho Petilla (Department of Energy secretary)
• Mario Montejo (Department of Science and Technology secretary)
• Voltaire Gazmin (Department of National Defense secretary)
• Rogelio Singson (Department of Public Works and Highways secretary)
• Arsenio Balicasan (National Economic and Development Authority director-general)

Gayun din sina dating Transport undersecretaries Rene Limcaoco, Catherine Gonzales, Edwin Lopez at MRT-3 general manager Roman Buenafe.

Bukod sa plunder, nauna nang naghain ng kasong graft ang DOTr laban kina Abaya nitong Oktubre.

Sunud-sunod ang aberyang inaabot ng MRT kabilang ang pagkalas ng isa sa mga bagon nitong nakaraang linggo.