Environmentalist umapela kay Trump
MANILA, Philippines — Nanawagan ang isang grupo ng mga environmentalist kay U.S. President Donald Trump na suriin ulit ang isyu ng global warming at climate change.
Ang apela ni Clean Air Philippines Movement, Inc. (CAPMI) chairman Michael Aragon kay Trump ay bunsod na katatapos na anibersaryo ng delubyo na dulot ng super-typhoon Yolanda noong Nobyembre 8, 2013.
Sa launching ng CAPMI–EMB clean air patrol joint project noong Biyernes sa Quezon City, sinabi ni Aragon na ginunita ang pananalanta ng bagyong Yolanda na nagresulta sa pagkamatay ng 6,000 Filipino at pagkasira ng mga pananim.
Binigyan diin ni Aragon na hindi nila intensiyon na makipagdebate kay Trump at sa halip ay umaasa silang magkakaroon ng puso ang pangulo ng Amerika upang mapangalagaan ang kalikasan na patuloy ang banta ng climate change.
Sa pagdiriwang ngayong Nobyembre bilang Clean Air Month ang CAPMI kamakailan lang ay nagdeklara sa Davao City bilang isang Clean Air City at kay Davao City Mayor Sara Duterte-Carpio bilang Clean Air Champion nila.
- Latest
