Sahod, presyo ng bilihin top concerns ng Pinoy
MANILA, Philippines — Ang presyo ng mga bilihin at sahod ng mga manggagawa ang pangunahing concern ng karamihan sa mga Pilipino.
Ito ay batay sa resulta ng latest Pulse Asia Survey na ginawa nitong September 24-30 mula sa 1,200 respondents.
Sa survey, nais ng mga Pinoy na kontrolin ng pamahalaan ang inflation rate (50%), maitaas ang sahod ng mga manggagawa (42%) at magkaroon ng mas maraming trabaho (32%).
Concern din ang 36% ng mga respondents sa paglaban ng pamahalaan sa kriminalidad at pagpigil sa korapsyon.
Nakasaad din sa survey na mas nakararaming Pinoy ang nagsasabing dapat aksiyunan ng gobyerno ang mga pagawaing imprastraktura gaya ng mga sirang kalsada, problema sa pagbaha at iligal na droga.
- Latest