Bagyong ‘Paolo’ lumakas pa, LPA sa Coron binabantayan

MANILA, Philippines – Lumakas pa ang bagyong “Paolo” habang patuloy na gumagalaw sa Philippine Sea, ayon sa state weather bureau ngayong Martes.

Isa nang severe tropical storm si Paolo na huling namataan ng PAGASA sa 765 kilometro silangan ng Guiuan, Eastern Samar kaninang alas-10 ng umaga.

Taglay ni Paolo ang lakas na 90 kph at bugsong aabot sa 115 kph habang gumagalaw pa hilaga hilaga-kanluran sa bilis na 7 kph.

Hindi namang inaasahang tatama sa kalupaan ang pang-16 na bagyo ngayong taon.

Forecast Positions:

• • 24 Hour(Tomorrow morning): 760 km East of Borongan City, Eastern Samar(12.7°N, 132.3°E)
• • 48 Hour(Thursday morning):1,075 km East of Baler, Aurora(15.7°N, 131.6°E)
• • 72 Hour(Friday morning): 980 km East of Tuguegarao City, Cagayan(18.8°N, 130.9°E)
• • 96 Hour(Saturday morning):1,035 km East Northeast of Basco, Batanes(22.0°N, 131.8°E)
• • 120 Hour(Sunday morning):1,375 km East Northeast of Basco, Batanes (OUTSIDE PAR)(26.5°N, 133.7°E)

Inaasahang lalakas pa at magiging typhoon si Paolo habang patuloy na gumagalaw palabas ng Philippine area of responsibility.

Samantala, isang low pressure area naman ang namataan din ng PAGASA sa 395 kilometro kanluran ng Coron, Palawan.

Magdadala ng kalat-kalat na mahina hanggang katamtamang pag-ulan ang LPA sa lalawigan ng Palawan.